أشهي أكلات عيد الأضحى

أولا: كل سنة وكل المسلمين في مشارق الأرض ومغاربها طيبين ويا رب يكون عيد سعيد على كل الناس...

طبعا كلنا عارفين إن عيد الاضحي هو عيد اللحمة،
علشان كده هاقدم لكم النهارده مجموعة متنوعة من الأكلات المناسبة لعيد
الأضحى المبارك...

الفتّة اللذيذة


أكيد العيد مش هيكون عيد من غير طبق الفتة اللذيذ ودي أحسن طريقة لعمل الفتة..

المقادير:
• كيلو لحم ضأن مقطع بالعظم ويا ريت يكون "لحم الكتف".
• نص كيلو رز.
• ماء ساخن.
• بصلة كبيرة ومقطعة قطع صغيرة.
• 2فص حبهان.
• ملعقة قرنفل.
• 6فصوص ثوم مهروس.
• رغيف خبز محمص.
• نصف ملعقة صغيرة مبشور جوزة الطيب.
• عود قرفة.
• ورقة لاورا.
• ملح.
• كوباية كبيرة عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.

الطريقة:
1. هنسلق اللحمة الضاني ونضيف ليها عند السلق بصلة وورقة لاورا وفص حبهان وملعقة القرنفل والملح ونسيبها لغاية ما تستوي.
2. أثناء ما اللحمة بتستوي هنجيبِ الأرز ونغسله وبعد كده نجيب الصينية
اللي هنعمل فيها الأرز ونحط فيها ملعقة ونصف سمنة وبعد كده نضيف ليها الرز
ونقلبه على النار لمدة خمس دقائق بعد كده نجيب ميه ونضيف ليها شوية ملح
ونضيفها للرز ونسيبه على نار هادية لغاية ما يستوي.
3. هنجيب بصلة ونقطعها قطع صغيرة ونحمرها في السمنة لغاية ما نلاقي
لونها بدأ يميل إلى اللون الأصفر نضيف ليها التوم مع التقليب لما نلاقيهم
لونهم بدأ يكون ذهبي نضيف ليهم كوب عصير الطماطم والصلصة ونسيبهم على نار
هادئة لمدة 10 دقائق، ونضيف ليهم شوية شوربة ونسيبهم على النار لمدة ربع
ساعة.
4. بعد كده هنجيب الصينية ونقطع فيها الخبز ونضيف ليه شوربة اللحمة ونسيبهم لمدة عشر دقائق علشان العيش يتشرب من الشوربة.
5. هنجيب طبق كبير ونحط فيه الأرز والخبز ونحط فوقهم الصلصة اللي عملناها ومن فوقها اللحمة...

وبالهنا والشفا

لحمة ضاني مشوية


المقادير:
• لحمة ضاني مقطعة مكعبات متوسطة الحجم أو "ريش".
• كوب كبير عصير طماطم.
• ملعقة صغيرة فلفل أسود.
• ملعقة صغيرة شطة حمراء ناعمة.
• 10 فصوص ثوم.
• ملعقة كبيرة خل أبيض.
• ملعقة كبيرة كمون مطحون.
• 1 حبة جوزة الطيب مبشورة ناعم.
• 1 بصلة كبيرة.
• فلفل رومي أخضر.
• نص فنجان زيت.

الطريقة:
1. هنجيب اللحمة ونغسلها كويس.
2. هنجهز تتبيلة اللحمة وهي عبارة عن "الزيت + الخل + الكمون + جوزة
الطيب + البصلة + عصير الطماطم + الفلفل الأسود + الفلفل الأخضر + الثوم +
الشطة" ونضربهم مع بعض في الخلاط.
3. بعد كده هنجيب صينية وندهنها بالخليط ده وبعد كده نبدأ في رص اللحمة في صورة طبقات وبين كل طبقة وطبقة نحط خلطة التتبيل...
4. بعد ما نخلص من رص اللحمة نحطها وخليط التتبيل في التلاجة لمدة 3
ساعات، بعد كده نخرجها ونشويها على الشواية الكهرباء أو الفحم...


وبالهنا والشفا

فخد ضاني في الفرن مع أرز بالخلطة


المقادير:
• فخدة ضاني.
• كيلو فلفل رومي أحمر.
• 4علب زبادي.
• 5معالق صغيرة خل تفاح.
• كيلو رز.
• كوباية كبيرة زيت.
• 2 ملعقة كبيره ملح.
• 2ملعقة كبيرة عسل أبيض.
• 2ملعقة كبيرة بهارات.
• ملعقة صغيرة كاري.
• نصف كيلو بندق.
• كوباية كبيرة ماء.
• فلفل أصفر وأخضر مقطع قطعا صغيرة.
• ملعقة صغيرة فلفل أسود.
• قطعتان فحم.

الطريقة:
1. هنجيب الفخدة ونعمل فيها فتحة كبيرة بالسكين، بعد كده نتبل الفخدة
بمزيج الخليط الآتي" الزبادي والملح والعسل والخل والبهارات والفلفل
الأسمر"...
2. بعد ما نتبل الفخدة بالخليط ده نحطها في الثلاجة لمدة يوم بعد كده
نطلعها من التلاجة ونجيب الفلفل الرومي الأحمر ونقطعه إلى قطع صغيرة
ونحشيها بيه، بالإضافة إلى باقي الخليط المنقوع فيه الفخدة...

3. نحطها في الفرن وندهنها بالزيت ونسيبها في الفرن لمدة ساعة أو ساعة ونصف أو لغاية ما لونها يبقى أحمر وتستوي...
5. بعد كده نسخّن قطعتين الفحم على النار لغاية لونهم ما يبقى أحمر
ونحطهم على الفخدة وهي سخنة ونغطي عليها علشان تحتفظ برائحة الفحم علشان
تدي مذاق ورائحة رائعة.
6. نصفّي الصوص النازل من الفخدة ونضيفه إلى الرز على النار ونقلب كويس
وبعد كده نضيف إليهم كاري وملح ومية وبندق ونقلبهم على نار هادية لمدة ربع
ساعة أو لغاية ما نلاقي الرز استوى.
7. هنجيب الفخدة ونقطعها شرائح ونقدمها في طبق مع الرز ونرش من فوق شوية ملح وفلفل أخضر وأصفر للتجميل.

وبالهنا والشفا

صينية الرقاق بالبشاميل


ودي كمان أكلة بسيطة ممكن إننا نعملها في العيد

المقادير:
• نصف كيلو رقاق.
• بصلة مقطعة قطع صغيرة.
• نص كيلو لحمة مفرومة.
• نص كوب كبير زبدة.
• نص كوب كبير دقيق.
• 4 كوبيات لبن.
• ملح و فلفل.
• 2بيضة.
• كوب كبير شوربة لحمة.

الطريقة:
1- هنعصج اللحمة المفرومة عن طريق إننا نقطع بصلة كبيرة إلى قطع صغيرة
بعد كده نضيف ليها الملح والفلفل الأسود واللحمة ونحطهم على النار ونضيف
ليهم معلقة زبدة ونسيبهم على النار مع التقليب المتسمر وبعد نص ساعة نضيف
ليها كوباية مية ونسيبها على النار لغاية ما اللحمة تشرب المية وتستوي.

2- بعد كده هنجهز البشاميل عن طريق إننا نسخن الزبدة ونضيف ليها الدقيق
مع التقليب لغاية ما لون الدقيق يبقى ذهبي بعد كده نضيف ليه اللبن تدريجيا
مع التقيب المستمر لغاية ما يبقى قوامه سميك بعد كده نضيف ليه الملح
والفلفل الأسود بعد كده نشيله من على النار وبعد ما يبرد نجيب بيضة ونحطها
في طبق ونضربها بالمضرب مع الملح والفلفل وبعد كده نضيفها إلى البشاميل
ونقلبهم مع بعض.
3- هنجيب الرقاق ونبلّه بالشوربة السخنة "ممكن إننا نستبدل الشوربة بالمية" علشان يكون خفيف.
4- هنجيب صينية فرن وندهنها بالزبدة ونرص فيها نص كمية الرقاق الموجود
عندنا ونضيف ليها اللحمة وبعد كده نص كمية البشاميل وبعد كده نرص باقي
كمية الرقاق الموجودة، بعد كده نغطي وش الصينية بباقي كمية البشاميل
الموجود عندنا.

5- هندخل الصينية في فرن متوسط الحرارة لمدة نص ساعة أو لغاية ما وشها يحمر بعد كده نخرجها من الفرن ونقطعها.
[size=21]طبق مشويات

كيلو لحم ضانى صغير من بيت الكلاوى

نصف كيلو ريش ضانى صغيرة

ربع كيلو كبدة شرايح رفيعة

2 كلاوى ضانى

4 قطع صغيرة من اللية فى حجم البندقة

2 بصلة مفرومة فرما ناعما
2 معلقة كبيرة عصير ليمون
ملح وفلفل


الطريقة

تشق الكلاوى نصفين وتغسل جيدا

نغسل اللحمة والريش ثم ينقع الجميع فى البصل

المبشور بعد دعكه بالملح والفلفل وعصير الليمون

يترك الخليط منقوعا لمدة نصف ساعة

يشوى فى الشواية بعد دهنها بالزيت او على الفحم

اول ما تشوفى الدم ابتدى يظهر على سطح اللحمة

نقلب اللحمة على طول على الناحية التانية

لحد ما تلاقى برضة الدم ظهر على اللحمة بعدها

تقلبى اللحمة لحد ما تستوى لمدة دقايق

نشيل اللحمة من على الشواية ونرصصها على

طبق مفروش بالبقدونس >

**وبالهنا والشفا**

]

الكوارع(الأكارع) هي أقدام البقرة او الخروف ..الخ
ويفضل استخدام كوارع البقر الصغير او متوسط العمر


المكونات
---------
زوج من الكوارع أو الكمية المناسبة لعدد الأفراد


ا بصلة
ورق لورا(لورى)
4 حبات حبهان (هيل)
فصين مستكة
5 حبات تقريبا فلفل أسود حب أو ربع ملعقة فلفل أسود مطحون
للتتبيل ملح وفلفل أسود
--------------
مقادير الفتة
-----------
2كوب رز مصري
2خبز عربي اى نوع متوفر
2\1 راس ثوم
4\1 كوب خل
ملح
مرقة الكوارع


######################


الطريقة
-------


تغسل الكوارع جيدا وتدعك بالملح والدقيق وتترك ربع ساعة ثم تشطف جيدا
تسلق في ماء مغلي ومعها البصل
مع نزع الريم الذي يظهر على السطح





ثم نضع الحبهان وورق اللورا والفلفل والمستكة ونهدي النار وتترك الى أن تنضج حوالي ساعتين
مع مراعة تغطية الحلة






وهناك طريقة أخرى للسلق وهي وضع الكوارع في ماء بارد على النار ونتركه يغلي لمدة 5 دقائق تقريبا
سيظهر على السطح كمية كبيرة من الريم كما في الصورة









نطفي النار ونستغنى عن هذا الماء ونشطف الكوارع بالماء ثم نسلقها في ماء مغلي ونتمم الخطوات كما في
السابق





بعد تمام النضج نتبلها بالملح وقليل من الفلفل الأسود
ونتركها لتبرد قليلا حتى نستطيع نزع الجلد من العظم لإستخدامه مع الفتة





-----------------------
تقلية الثوم


------------
يفرم الثوم جيدا
يحمر في 2 ملعقة سمن
بمجرد ان يحمر لونه نضع عليه الخل ولكن بعيد عن النار ثم نعيده على النار لمدة دقيقة مع وضع رشة ملح





نطبخ الرز بالطريقة المعتادة
نحمص الخبز في الفرن ونقطعه قطع متوسطة او نقطعه ثم نحمصه
نضع الخبز في طبق التقديم ونسقية بالمرق الناتج عن سلق الكوارع
ونضع عليه جزء من تقلية الثوم
وممكن أيضا جزء من الكوارع المنزوعة من العظم
ثم نضع الرز ثم تقلية الثوم
ثم الكوارع



















واذا كان عدد الأفراد يحتاج لكمية رز اكثر من المذكورة نزيد كمية الخبز ونسقيه بالمرق في طبق اخر غير طبق التقديم ونزيد الطبقات
أى نضع طبقة خبز ثم طبقة رزثم كوارع ثم خبز ثم رز ثم الكوارع

صدر الخروف المحشى ( خفييييييييييييييف)
كيلو صدر خروف مخلى من العظم
الحشو ( 1/8 كيلو جبنة بيضاء – 1/8 كيلو مشروم – عود كرفس مفروم
ملح وفلفل – بشر ليمونة )
الطريقة
اخلطى كل مقادير الحشو
افردى اللحمة امامك على الرخامه ونفرد الحشو فوقها
بس نترك حوالى سم من الاطراف
وبعدين نلف اللحمة كويس ونربطها بالدوبارة
نضع اللحمة فى طبق فرن ونغطيه بورقة فويل
ونضعة فى فرن لمدة 3 ساعات لحد مايستوى
وبعدين نشيل الورقة لحد ما اللحمة تتحمر
نفك الدوبارة ونضعة فى طبق التقديم
وبالهنا والشفا

تتبيلة لكل المشويات


3 بصلات كبيرة - 3 طماطم كبيرة - فص ثوم - زعتر فريش - روز مارى فريش - بش نص جوزة الطيب - ملح وفلفل
اضرب البصل مع معلقتين ماء فى الكبة لحد ما ينعم خااااااااااااااالص
اخرجه من الخلاط واضعه فى قطعه شاش ونعصره جااامد حنلاقى ماء البصل نزل كتير دة حنتبل بيه اللحمة والريش والدجاج
وحيفضل فى الشاشة التفل بتاع البصل هو دة اللى حنتبل بيه الكفتة علشان متفكش مننا اثناء الشوى
ثم نضع على ماء البصل باقى مقادير التتبيله واخلطهم واتبل بيها المشويات


يعنى
ماء البصل ....................للحمة والريش

الريش مع الخضار


المقادير:


2 حبة صغيرة بطاطس مقشرة 2
حبة متوسطة كوسا 2
حبة متوسطة باذنجان 2
حبة متوسطة جزر 1
ملعقة صغيره ملح 2/1 .. ملعقة صغيرة فلفل اسود.. 1.5 ملعقة صغيره بهارات مشكلة..
4 قطع ريش غنم 2
ملعقة كبيرة زيت
3-4 فص ثوم
1 حبة متوسطة بصل
2 حبة كبيرة طماطم
1 كوب مرق لحم
بقدونس طازج للتزيين .

درجه المهارة : متوسطة مدة الطبخ : 30 دقيقة الكمية : 4 أشخاص


الطريقة:

طريقة التحضير: 1- سخني الفرن لدرجة حرارة 180 درجة مئوية . ادهني بالزيت طبق فرن متوسط الحجم . ضعيها جانبا .

2- نقطع الخضروات الى شرائح سميكة , البطاطس, قطعي الكوسا الى شرائح بنفس الطريقه . الباذنجان والجزر .

3- رتبي الخضروات
بشكل متناسق في طبق الفرن , ضعيها جانبا . 4- افرمي الثوم , البصل ,
الطماطم الى ان تحصلي على صلصة طماطم ناعمة . اتركيه جانبا .

5- في وعاء صغير ضعي الملح . الفلفل والبهارات , قلبيها جيدا , انثري بعضها فوق الريش

6- سخني الزيت في مقلاة متوسطة الحجم , اطبخي الريش مع تقبيلها على الجانبيين الى ان تصبح ذهبية اللون .
اخرجي الريش من المقلاة , ضعيها في طبق الفرن بجانب شرائح الخضروات .

7- امزجي صلصة الطماطم مع المرق وبقية البهارات . وزعيها فوق الخضروات والريش اغلقي الطبق بورق المنيوم

8- ادخلي الطبق الى الفرن لمدة 25 – 30 دقيقة الى ان تنضج الريش . انثري فوقها بقدونس مفروم.

وبالهنا والشفا

[b] طريقة كبدة حلوة[/b]المقادير :
1 - نص كيلو كبدة وممكن معاها قلب او كلاوي حسب الرغبة
2 - فلفل اخضر مقطع شرائح رفيعة جدا
3- بصلة متوسطة متقطعة شرايح رفيعة علي قد متقدري
4 طماطماية متوسطة وممكن اتنين حسب متحبي
5- توابل " 1/2 م ص ملح، 1/2 م ص فلفل اسود، و 1/4
م ص قرفة 1/4 م ص زنجبيل، وشوية زعتر صغيرين اقل من الربع معلقة ،شطة حسب
الرغبة "
6- 2 معلقة كبيرة خل
7- نص ليمونة كبيرة
8- زيت ذرة
الطريقة :
تقطعي الكبدة شرايح رفيعة وياريت تكون نص مجمدة عشان
تتقطع حلو وتحطي زيت في الطاسة ولما يسخن تحطي الكبدة وتقلبي شوية لحد
ملونها يبقي رمادي تروحي حاطة الخل والليمون وتقلبي وتحطي التوابل مش كلها
شوية منها نص المقدار وطبعا المقدار حسب الرغبة وكل ما وحدة بتحب وممكن
تحطي شطة لو عايزة
وبعدين تحطي البصل وتقلبي دقيقة كدة وبعدين الفلفل
والطماطم وسبيها لحد متستوي وتحطيباقي التوابل وتطفي وتقدميها مع سلطة
طحينة ومخلل او تعمليها سندوتشات
وهنيئا مريييييييييييييييئا
وكل سنة وانتم طيبين