نصائح لاختيار الوان الحجاب

أغلب البنات في هذه الأيام محجبات وأصبح اهتمامهم بالحجاب يوازي أو يفوق اهتمامهم بشعرهم، وأصبح البديل

للكوافير والبحث عن قصة جديدة أو لون مختلف هو لف الطرحة بألوان زاهية على آخر موضة.. أشكال ربطات

على هيئة تسريحة شعر "ضفيرة وكحكة"، وأما الأقمشة (الموجوده فيها كلام كتير) "تل" و"شيفون" "وترتر"؛

الصبح والضهر وفي كل وقت...

المعادلة الصعبة في كل الحاجات هذه كيف أكون محجبة أحترم "حجابي" وفي نفس الوقت شكلي حلو "ستايل"على

الموضة ومش "مبهرج" ولافت للنظر لدرجة تثير انتقاد الآخرين..






نصائح ذهبية لكل بنت محجبة كيف تتعاملين صح مع الحجاب..


ألوان الموضة في الإيشاربات ؟

لون الطرحة حسب لون اللبس ولكن اللون البني هو الأساس للسنة هاذه وبيدخل معاه البرتقالي, التركواز,

الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان الجديدة

وتداخلها بيعطي نتيجة حلوه جداً..


هل البني المحروق ممكن "يغمق" البشرة وخاصة إن لوننا خمري أحياناً مائل للاسمرار؟





لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء أو

البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر جداً"

هاذا كلام مش صحيح، الأيام هاذه لا يوجد لون صريح.. الروز له درجات مختلفة وموجودة في كل أنواع

المكياج،

كمان الموف, والأخضر.. المهم اختيار الدرجة من اللون القريبة من درجة لون البشرة وأكيد هتكون مناسبة

ولا تعطي نتيجة عكسية

كيف تختاري خامة أو قماش الإيشارب صح؟

نوع القماش أو خامة الإيشارب تعتمد على نوع اللبس، كمان فيه أنواع من الأقمشة من المفضل نتجنبها

حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة"..

ابعدي عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير

،الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... يأكد إن الإيشارب

مهم إنه يكون عملي في اللف، ممكن الإيشارب يكون غالي ومتعب في ربطته وبعد شوية هتكرهي الإيشارب

وسوف تتركينه على جنب بعد ما غرمتي ثمنه.

نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها

مش مبهدل؟

تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار، فالأقطان

فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون

في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات

الأقطان المخططة أو المنقوشة، فيها مساحة تنوع الأيام هذه وألوان ينفع تدخل مع بعض تعطي شكل جديد

في كل مرة.

والتطريز البسيط يعطى جمال ورقة






أفكار لحجاب ممكن يناسب لفترة بعد الظهر أو بالليل؟


ممكن تحتفظي بشكل ربطتك اللي بترتاحي معاها والمناسبة لشكل واستدارة الوجه وتستخدمي إكسسوار



مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. الايام هذه لا يوجد لبس


محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً


المناسب للمكان.


كيف تختار البنت المحجبة الربطة المناسبة لشكلها؟


لازم تعرف هي ماذا تحب، الربطة التقليدية أو الربطة "الاسبانش" المربوطة "على ورا" عشان تكون


مرتاحة



ومقتنعة بربطة الإيشارب، ولو هي محجبة جديد لاتستعجل على نفسها "شوية..... شوية" مش معقول

هتقدر تلف الإيشارب زي واحدة متحجبة من زمان.. البنات بتكتئب وبتزعل كثير عشان شكل حجابها

مش "مظبوط" وللأجل هاذا لازم المحجبة جديد تلبس في الأول حجاب ربطته سهلة ولا تستخدم أنواع

ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان

تلم شعرها كويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك

الشعر كله وتختار ربطة سهلة.

الربطة "الإسبانيش" موضة جداً، ازاي نربطها "صح" خطوة خطوة....؟

أولاً نلبس بونيه قطن يلم الشعر كويس وبعدها تجيب طرحة مستطيلة لون تاني، فلو إن البونيه بني محروق

تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس

جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد هاذا نبين

جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني

والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي

الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على

حسب ذوق وشكل وجهك.

صيحتى للف الطرح التقليدية؟

لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس

مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية

لفة بسيطة.

ولو تريدي تدخل ألوان في اللفة التقليدية؟

زي ما قلنا البونيه وبعد هاذا الإيشارب على حرف البونيه وبعدها تمسك الطرف القصير بالطرف الطويل عند الرقبة،

وبعد هاذا الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد

بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت.





وللعروووووس




نصيحتى للعروسة المحجبة؟

تبحث عن لون مناسب لبشرتها يبرز جمال لونها تفكر في موديل مناسب لجسمها وتفكر كيف يكون شكلها

مختلف وجديد، ومش شرط إن موديل أو ربطة عجبتك إنها ممكن تنفع معاك أو تليق عليك، وكمان تختار حد

يساعدها في ربط الطرحة لأنه متخصص وبيتحكم أكثر في الربط وله خبرة في ابتكار ربطات جديدة.




هذي بعض من ازياء المحجبات اتمني تعجبكم