ابتعدي عن المفاجآت ليلة زفافك واستعدي لفرحك...

بنات كتير بيسألوا عن أهم الحاجات اللي المفروض
تعملها "العروسة" قبل الفرح علشان يكون شعرها شكله ولونه حلو؟؟ النهار ده
هاقدم مجموعة من النصائح لكل عرايس "بص وطل"..

خلي بالك.....
• لازم بعد تحديد موعد الفرح تتفقي مع الكوافير علشان تستعدي كويس
وتبتعدي عن المفاجآت ويكون أمامك الفرصة لاختيار أكتر من حاجة تليق عليك،
وخاصة الصبغة وقصة الشعر، ولو أنتِ محجبة جربي أكتر من شكل ولفة للطرحة.
• مهم جداً عمل بروفة لتسريحة شعرك، وتكوني متفقة مع الكوافير على
الشكل النهائي، وتوصفي له فستانك، وطول العريس وكعب الحذاء. كل ده بيحدد
شكل التسريحة أو لفة الطرحة علشان تسريحة الشعر والطرحة بتدي طول للعروسة.
• ابدئي اعملي حمامات كريم على مدار شهر، واختاري حمامات كريم تحتوي
على مادة الكيراتين، وابتعدي عن الكريمات مجهولة المصدر أو التي تحتوي على
مواد كيماوية تؤذي الشعر، ونصيحتي لكِ إنك لازم تستشيري كوافير في نوع
الكريم، ويكون ماركة معروفة ومضمونة.

ابتعدي عن المفاجآت ليلة زفافك واستعدي لفرحك... Kamar_04

ابتعدي عن المفاجآت ليلة زفافك واستعدي لفرحك... Kamar_04

• اتفقي مع ماكييرة شاطرة في وضع المكياج، وتكوني شفتي شغلها قبل كده،
يعني ما فيش مانع تطلبي منها صور لعرايس عملت لهم مكياج، وده علشان تكوني
مرتاحة وبعيدة عن التوتر يوم الفرح.
• لو بتفكري في الصبغة لازم تكوني عاملة الصبغة قبل الفرح بأسبوع.
• قص الشعر بعد الصبغة مباشرة، وبعد أسبوع نبدأ نقص الأطراف وعمل الشكل النهائي.
• يجب أن يكون اختيار لون صبغة الشعر مناسب للون البشرة والموضة "اللون
الواحد" الـ One Color ـ و Low Light، وهي ترجع على حسب لون البشرة؛
فالبشرة البيضاء تميل للألوان الشقرة... والخمري والأسمر يفضل لها
الأحمرات بدرجاتها والبني.

• لو هتعملي كيراتين لازم يكون قبل الفرح بأسبوع علشان ممكن تحتاجي تعمليه أكتر من مرة علشان يثبت.