كلـــــــــــــــــــــــــــمــــــــــــــــــــــــــات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
كلـــــــــــــــــــــــــــمــــــــــــــــــــــــــات

منتدى يهتم بالشباب العربى وبشتى ألوان المعرفة
 
البوابةالرئيسيةأحدث الصوردخولالتسجيل

 

 نصايح لعروس 2009

اذهب الى الأسفل 
كاتب الموضوعرسالة
Admin
Admin



عدد الرسائل : 451
sms : My SMS ارق امنياتي لكم كلمات
نقاط : 79
السٌّمعَة : 0
تاريخ التسجيل : 23/08/2008

نصايح لعروس 2009 Empty
مُساهمةموضوع: نصايح لعروس 2009   نصايح لعروس 2009 Icon_minitimeالسبت يناير 03, 2009 6:41 am

ليلة في صورة باجمل تظهر ان وتريد قرب فرحها لكل عروس
العمر

أولاً
نصايح لعروس 2009 Kamar_28
لازم تكوني واثقة من نفسك في اليوم ده جداً، وتخليكِ على طبيعتك قوي،
وتبتسمي على طول، وتثقي في كل خبراء التجميل والأزياء اللي هتتعاملي معاهم
في أحلى يوم في عمرك وهو يوم زفافك، اليوم اللي بتحلمي بيه وبتفكري فيه من
وأنت صغيرة.

ثانيا
نصايح لعروس 2009 Kamar_29
رتبي أفكارك واحتياجاتك قبل الفرح بـ3 شهور على الأقل، وخصوصا لو فرحك
في الصيف أو في الأعياد، عشان أماكن الأفراح في الأوقات دي بتبقى زحمة
جداً وعلى فكرة المفروض ترتبي نفسك من أول الفستان لغاية القاعة اللي
هيتعمل فيها الفرح وبعدين شكل المكياج والطرحة.

ثالثا
نصايح لعروس 2009 Kamar_30
الرشاقة هي الحاجة المهمة اللي بتفكر فيها العروسة وعلشان الفستان
يبقى حلو ومظبوط عليكِ أنصحك لو وزنك زيادة شوية تتبعي نظام غذائي قبل
الفرح على الأقل بشهرين، وإن وجباتك تكون بتحتوي على كل ما هو صحي ومفيد
وبلاش الوجبات السريعة لأنها ممكن يكون لها تأثير كبير على بشرتك، كمان
ممكن زيادة الملح أو السكر تظهر حبوب كتير في أماكن كتيرة في وشك وجسمك
وخصوصاً لو كنت من الناس اللي عندهم حبوب أو استعداد للحساسية ويا ريت لو
لقيتي أي حبوب ظهرت في بشرتك تروحي لدكتور جلدية عشان يشوف بشرتك ويقدم لك
العلاج المناسب.

رابعا
نصايح لعروس 2009 Kamar_31
لازم تهتمي ببشرتك قبل الفرح بفترة كافيةوتستخدمي ماسكات وزيوت طبيعية
عشان يبقى جلدك ناعم وجميل زي بشرة الأطفال، والمفروض إنك تسيبي شعر الجسم
قبل الفرح بشهر ونصف تقريباً وشعر الوش قبل الفرح بأسبوعين عشان يبقى سهل
عليكِ إزالته بسهولة قبل الفرح.

خامسا
نصايح لعروس 2009 Kamar_32

خلي بالك من أسنانِك كويس، عشان دي أول حاجة بيشوفوها لمّا بتضحكي في
الفرح، وياريت تروحي لدكتور أسنان عشان تنظفيها قبل الفرح بأسبوع ولو عندك
مشكلة فيهم لازم تصلحيها قبل الفرح بشهر على الأقل.

سادسا
نصايح لعروس 2009 Kamar_33
كمان الاهتمام بالعين حاجة مهمة جداً وده لأن العين هي اللي بتبين
جمال الوجه علشان كده يا ريت تحاولي تنامي كويس قبل الفرح بأسبوع أنا
عارفة إنه صعب بس حاولي، ولو هتلبسي عدسات ملونة أو نظر يبقى لازم تشتري
واحدة جديدة قبل الفرح ومتنسيش القطرة ممكن تحطي "فايزين" أو" بريزولين
بلو" قبل الميك آب، علشان القطرة بتساعد إن العين متكونش حمرا في الفرح.

سابعا
نصايح لعروس 2009 Kamar_34
بالنسبة للمكياج والطرحة فدول بيكونوا أهم حاجة بتفكر فيها العروسة
المحجبة... أما العروسة غير المحجبة فبتبقى قلقانة أكتر على شكل تسريحة
شعرها هتبقى عاملة ازاي؟!، والاتنين عايزين يعرفوا الشكل النهائي في
الفستان وفي كل حاجة في الفرح وطبعا كل حاجة من الحاجات دي هنتكلم عليها
بالتفصيل في حلقات قادمة إن شاء الله...
بس بصفة عامة ياريت تختاري متخصصين سواء لتصميم أزياء فستانك أو خبيرة
تجميل لمكياجك وشكل طرحتك وتكوني واثقة فيهم جداً وعندك حد مجربهم قبل كده
من العائلة أو من أصحابك أو شوفتي شغلهم في الصور أو في فرح حضرتيه وعجبك
شكل العروسة.

ثامنا
نصايح لعروس 2009 Kamar_35
حاجة تاني مهمة جداً هي التصوير وتفكيرك فيه لازم يكون جد جداً لأنك
بتخرجي من الفرح كله بالصور والفيديو لأن اللي هيفضل معاكي طول العمر هو
صور الزفاف وصور الفرح، والمفروض إنك تشوفي شغل المصور عشان تحددي الصور
اللي عايزاها وبتحلمي بيها طول عمرك.

تاسعا
نصايح لعروس 2009 Kamar_36
لازم تعملي شنطة صغيرة تحطي فيها أدوات تجميل بسيطة زى مثلاً بارفان
وشراب وإبرة وخيط أبيض ومقص صغير ومانيكير وأسيتون وقطن ومزيل مكياج وكريم
مرطب، احتياطي عشان ممكن تحتاجي لهم أثناء الفرح، وكمان ممكن تستفيدي بيهم
بعد الفرح إن شاء الله.


فرحك من شخصيتك
لازم تعرفي شخصيتك نوعها إيه؟! قبل ما تتعاملي مع أي متخصص في المكياج
أو في الشعر أو حتى في الفستان فمثلا فيه شخصيات كلاسيك وشخصيات مودرن
شوفي أنت مين فيهم واعملي فرحك من شخصيتك.... هقولك إزاي:

الشخصية الكلاسيكية أو (الهادية)
نصايح لعروس 2009 Kamar_37

مكياجها
في الفرح لازم يكون هادئ، لأنها بطبيعتها مابتحطش مكياج كتير في الأيام
العادية، وفي الفرح ألوان الآيشادو أو ظل الجفون لازم تكون ألوان فاتحة
وبسيطة زي "الروز" و"الموف"و"البيج"،وكمان رسمة العين تكون رقيقة ومافيهاش
أسود كتير يعني لون واحد فاتح على الجفن وماسكرا، وممكن لون فاتح جوه
العين زي "الأخضر" أو "الأزرق" أو"الفضي"....

وألوان الروج
لازم تكون هادية زي ألوان الآي شادو علشان تبقى متناسقة مع بعضها، وبيبقى
عبارة عن ملمع فقط، وكل الألوان دي بتليق على البشرة الفاتحة والبشرة
الخمرية.

فستانها
فبيكون بسيط جداً لونه "أوف وايت" أو "أبيض" بس تطريزه قليل قوي..
وطبعا لو محجبة بتلبس بادي تل سادة، وفيه تطريز على اللياقة والكم، أما
الطرحة لو كانت دورين أو إسبانش برضه تطريزها قليل من الطرف بس البندانا
بتكون تل سادة أو عليها تطريز خفيف زي الفستان...

نصايح لعروس 2009 Kamar_38
ولو غير محجبة تسريحة شعرها شينيون هادي، وممكن تحط وردة صغيرة على جنب
أو تاج بسيط ألماظ والحلق على قد الودن لولي أو ألماظ...كمان العروسة
الكلاسيك ممكن فرحها يبقى "أوبن إير" يعني خارجي بالنهار في فيلا أو جنينة
أو حتى على حمام السباحة في فندق.

الشخصية المودرن أو (الشقية)
نصايح لعروس 2009 Kamar_39


المكياج
في الفرح لازم يبقى جريء، لأن في الطبيعي بتاعها بتحط ميك آب واضح
وكتير، وألوان الآيشادو يفضل إنها تكون غامقة زي "الأسود" و"البني"
و"الموف البتنجاني"، وكمان رسمة العين "سموكي" أو "أسود مدخن" و"رموش
تقيلة"... وألوان الروج فهي إما أن تكون "أحمر"، "فوِشيا"، أو "موف" وممكن
جليتر على الآي شادو والروج...


الفستان
نصايح لعروس 2009 Kamar_40
فبيكون مليان تطريز وأحجار وممكن كمان تحط ورد في الفستان زي "الموف"
أو "الأخضر"، والطرحة مطرزة من الأطراف تطريز خفيف عشان الفستان فيه تطريز
كتير والبندانا تكون تل مطرزة وممكن تاج ألماظ كبير عليها.. ولو غير محجبة
ممكن تغير لون شعرها يبقى هاي لايت أصفر أو أحمر وتسريحتها تبقى مرفوعة
وعليها إكسسوار ألماظ، والحلق يبقى كبير وبيلمع.. أما الفرح فبيكون في
قاعة كبيرة في فندق أو في نادي كبير.

نصايح لعروس 2009 Kamar_41
وفي النهاية أحب أقول إن فيه عروسة ممكن تعمل فرح بسيط في البيت أو كتب
كتاب في الجامع وبعدين عشاء في فندق للعائلتين فقط أو حتى ماتعملش فرح
خالص، لكن بيبقى أهم حاجة عندها هي صور الزفاف عشان كده كل واحدة لازم
تهتم بكل تفاصيل مظهرها في اليوم الجميل ده.
الرجوع الى أعلى الصفحة اذهب الى الأسفل
https://kalemat.ahlamontada.net
 
نصايح لعروس 2009
الرجوع الى أعلى الصفحة 
صفحة 1 من اصل 1
 مواضيع مماثلة
-
» The Horsemen DVDRip 2009

صلاحيات هذا المنتدى:لاتستطيع الرد على المواضيع في هذا المنتدى
كلـــــــــــــــــــــــــــمــــــــــــــــــــــــــات :: عالم حواء :: منتدي العروس-
انتقل الى: