تبين تحترفين في المكياج..!!!دوره مجانيه

خواتي العزيزات..انا من شهر خذت دوره في الميك آب..
آنا كانت عندي خبره..بس زدت ع خبرتي زياده..
والحمدلله الأخت منيره المحمود..بالفعل ماقصرت..
والله يرزقها ويسعدها..بالفعل أنسانه أكن لها كل التقدير والأحترام

فحبيت اطرح لكم الدروس اللي تعلمتها..وأحب انكم تستفيدون منها..
اقدمها لكم لوجه الله..مني لكم..!!!

اذا حبيتوا تتعلمون..حياكم الله..ماتبون..كفايه دعوه طيبه منكم..!!!

وانا راح اعطيكم هالدروس خطوه خطوه..بس عليج التطبيق!!!
والله راح تحترفين!!!

شنو أهم أدوات لازم تكون موجوده عندج.....!!!

الفراشي + وعلبة شادوهات + الاساس + كونسيلر +
الكحل السائل والقلم+ مسكارا + الأسفنجه...!!

وأهم نقطه..
غسل الوجه وترطيبه ..

أول خطوه طريقة وضع الأساس...!!!!!!

ملاحظه مهمه جدا... وايد من البنات يحطون كريم الأساس بطريقه خاطئه جدا... والطريقه الصحيحه هي!!!

هذه طريقة وضع الكونسيلر ع العين
ملاحظه...
طريقة وضع الكونسيلر والاساس..

هذه الطريقه الخاطئه!!!

ممكن استخدام الأصبع في توزيع الكونسيلر ع العين

هذه طريقه وضع الاساس ع الوجه..

والاتنسين اتوزعينه بين الانف..بطريقه صحيحه...!!!

(( هذا كان بالنسبه للطريقه الصحيحه لتوزيع الأساس والكونسيلر))

=========

((مسميات اجزاء العين الاساسيه ))

1_ منطفة تحت الحاجب

2_ منطقه الجفن الثابت

3_ منطقة الجفن المتحرك

صوره اخرى موضحه اكثر

1_ تحت الحاجب

2_ الجفن الثابت

3_ الجفن المتحرك

===================

الخطوه الثانيه ...

الدروس

اللي تبي تستفيد من خلال الدوره اللي انا استفدت منها
حياها الله..واذا ماتبون..ع هواكم..انا اللي علي راح اسويه
حبيت انكم تستفيدون...!!!
واذا حسيت محد مهتم..ماراح اضيع وقتي بدون هدف!!!

=======================

تم اضافة الدرس الأول في الصفحه الأولى!!!
حتى محد يتعب ويقعد يدور بالصفحات!!

أولا (( أضاءة العين))

نسمع عن شي اسمه الأضاءه... وانا راح اذكر لكم أضاءة العين
(( الشدو ))

أضاءة تحت الحاجب

والأضاءه ضروريه .. لابراز العين أكثر!!!!

عندج الفضي + الابيض + الذهبي

الأكثر أستخداما الألوان الفاتحه..للسهره تستخدمين الأضاءه اللي فيها لمعه
وللأيام العاديه..الاضاءه العاديه.. بدون لمعه..!!!

مثال للأضاءات!!
الابيض والذهبي والفضي..>>> الألوان الفاتحه

========================

اللحين أول درس

1_>>>>> نحط الكونسيلر
2_ ثانيا >>>> نحط الأضاءه تحت الحاجب

3_ ثالثا >>> نحط مثل ثلاث نقاط.. وحده بداية مدمع العين..والثانيه في الوسط والثالثه في نهاية
الجفن متحرك

4_ رابعا>>> نختار اي لون..انا اخترت لون البنفسجي

وانمد لون البنفسجي ع النقاط اللي احنا حددناهم...

5_ بعدها أنحاول انموه اللون ع فوق وانموه وانموه..حتى نمزج لون البنفسجي مع الاضاءه
ع الجفن الثابت

6_ بعدها ناخذ بطبطبه بسيطه من اللون البنفسجي ونحط ع كامل الجفن المتحرك

7_ وبكذي انتهينا.. نحط الكحل والمسكره..ونرسم الحاجب

اللمسات النهائيه!!!

اهني شوي اضاءة الكيمره اوضح والألوان اوضح

أولا>>>>>

طريقة الظل اللون الواحد...!!!

بأستطاعتك استخدام هالنوع من الظل..للصباح..او الأوقات العاديه

أذا أردتي ان تجعلي من طريقة لون الظل الواحد بالطريقه الداكنه..
ماعليك ألا أن تزيدي من حدة اللون..وتكرري بأن تضعي نفس اللون عليه بدرجة أغمق!!!
وسوف تكون النتيجه..لون اكثر وضوحا وغامقا...!!

ثانيا >>>>
في بعض انواع الشدوهات لما تشترينها واتجربينها ع يدج يصبغ اللون..ولما ترجعين البيت واتجربينه
للأسف..يطلع العكس...لكن لاتقطينه وتتنازلين عنه!!!

آنا عندي لج الحل...!!!!

في ناس تشتري مثل ماده سائله تنباع في في احد الصالونات..وفي ماركة فور ايفر..!!!
لكن ليش التكلفه....!!!

الله عطانا نعمه..وهي متوفره بكل بيت..( الماء) وفري فلوسج..
الماي احسن حل..بللي الفرشاه بشوية ماي..ومرريها ع الشدو..وجربيه ع ايدج..!!
بتلقين الشدو صبغ ع يدج!!!

حركه مضمونه..انا جربتها!!!!
وهذه تجربتي لها!!!

اولا..جبت نوع من الشدو اللي مستحيل يصبغ لوايش!!!

وجبت فرشاه..وشوية ماي!!!

وهذه النتيجه ع ايدي!!!

=========
ثالثا >>>>>

علشان اتحافظين ع فراشيج نظيفه..لوقت طويل..يمكن البعض يحب يشتري معقم ومطهر الفراشي..
وسعره 100 وزود..لكن عندي لج الحل الأمثل!!!!

أستخدمي مناديل تنظيف الوجه من المكياج... ونظفي فيهم الفراشي!!!!

أولا .. مارح اتضر عينج وبشرتج..لأنه المناديل مخصصه للبشره..!!!
وثانيا..راح تتنظف الفراشي بكل سهوله وبكل سرعه!!!

وهذا لليوم..وأن شاءالله لنا عوده للدروس النظريه!!!!

الدرس الثالث

رابط الموضوع

بالنسبه لرسم انواع الكحل..

عندنا ثلاثة أنواع معروفه..

اولا>>> طريقة الكحل المسكر

ثانيا>>> طريقة الكحل المفتوح

ثالثا >>> طريقة الكحل اللبناني

=====

للمبتدئات...

أنصحهم أستخدام الآي لاينر كيك..بدال الكحل السائل..
انا صورت لكم اللي عندي..يستخدم بالماء.. وعندج ماركة فور ايفر..نوعه كريمي
وعندج ماركة مكياجي وماك..اللي اتجيج العلبه مع الريشه..هم حلوه في الاستخدام!!
أنا أحب استخدام اللي يجيج مع الماي..وأنتي شوفي اللي يدج ترتاح عليه!!!

وبالنسبه للكحل السائل..أذا تبين كحل لونه اسود..واتحسين نوعه ممتاز
عليج بكحل محمود سعيد..تلقينه في محل حميد تريم..بسوق العسيري
لكن بما انج مبتدئه انصحج بنفس طريقة نوع هالكحل..
لأنه سهل الأستخدام..اتحسينه مثل القلم...

وأفضل أنواع قلم الكحل..ماركة سمايلنج..بعد راح تلقينه عند متجر حميد في منه الكبير والصغير
وهذا اللي عندي الكبير!!

وهذا لونه ع يدي

=========

((( الدرس ))

وأنتي ترسمين الكحل..حاولي ماتنزلين فرشاة الكحل ع تحت..خليه ع حركه مستقيمه..حتى مايعرض لج الكحل..ويخرب شغلج...

وتحت لما ترسمين خط الكحل..حاولي ترسمينه ع خط مستقيم..
حتى تقدرين بعدها ترسمين خط الشدو ع فوق!!!

الكحل المسكر طريقته>>>> من قدام ضعيف وفي الأخير عريض

=====

المفتوح يكون مفتوح من قدام... ومن اخر شي مفتوح...

=====

يكون من قدام مصكر...وفي الأخير مفتوح

وبعدين اتجيبين فرشاه اتحطين فيها شوي شدو اسود واتمدينه في القسم الاخير مفتوح

ملاحظه / طريقة رسم الكحل اللبناني
((دائما تكون بستخدام قلم الكحل الأسود))
====

طبقت لج طريقه سهله اتساعدج تتمرسين في وضع الكحل..!!!

اولااتحطين صبعج في هذه المنطقه..وانا افضل الاصبغ الصغير..اتمدينها ع حركة السهم اللي انا رسمته

وبعدها ترسمين الكحل من بداية مدمع العين الى اخر منطقة الجفن
متحرك

هذه صوره ثانيه اترويج كيف الطريقه..!!

=====

أولا>>>> .. نحط الكونسيلر ع دار مدار العين

ثانيا >>> نحط الأضاءه تحت الحاجب..اي اضاءه تحبينها>> فضي + او ذهبي او الأبيض..الخ..

ثالثا >>> نحط طريقة ثلاث نقاط ع خط جفن متحرك آنا أخترت اللون الأزرق الفاتح

رابعا >>> انوزع اللون الأزرق ع كامل الجفن متحرك

خامسا >>> بعد ماوزعنا اللون الأزرق نرسم خط باللون مختلف فوق اللون الأزرق
وانا أخترت اللون الوردي

سادسا >>>> اموه بفرشاة الدمج ع فوق..انموه وانموه..يعني ندمجه اللونبين الازرق
والوردي..ع فوق

سابعا >>>> تاخذين اي اصبع يسهل عليج شغلج في الدمج..
انا بالنسبه لي اختار الصبع الصغير..!!!
حطي الصبع ابخفه اطلعي به فوق وع تحت.فوق وتحت..مثل اللي بالسهم..
اللي بين الأضاءه ومنطقة الدمج اللي فوق..!!!

ثامنا >>>> نحط اللمسات النهائيه... المسكره والكحل.ونرسم الحواجب..

وهذه النتيجه ....

أولا>>>>> نحط الكونسيلر ع دار مدار العين
بعدين انحط الأضاءه تحت الحاجب

ثانيا>>>>> اذا ماكنتي اتعرفين طريقة
تقسيم كل جزء في الجفن المتحرك تقدرين اتقسمينه بالنقاط ثلاثة اقسام...او
اتسوين خط بين كل قسم

وأنا حطيت أول لون الأصفر

ثالثا>>>> نحط لون الأخضر

ونحاول ندمج بين اللون الاخضر والأصفر بطرف الصبع ع الخط اللي انا اموضحته

رابعا>>>> نحط لون الوردي

خامسا >>>نحاول نحاول انموه اللون الوردي ع فوق وصولا للون الاصفر

وهذا الشكل النهائي بعد مارسمنا الحواجب وحطينا الكحل والمسكره

هذا مثال للفنتازيا الخفيفه

أو لا>>> نحط الكونسيلر ع دار مدار العين

ثانيا>>> نحط الأضاءه الفضيه او اللون الأبيض تحت الحاجب

ثالثا>>> نحط اللون الذهبي ع الجفن المتحرك

رابعا>>>>>>نجيب الفرشاه ونحط ع جفت ثابت أي لون تختارينه
وأنا أخترت اللون الأحمر الغامق

بهذه الطريقه

خامسا >>>> أنموه اللون الأحمر الغامق ع فوق..

سادسا>>>> نجيب قلم الكحل الأسود أو الكحل السائل ونرسم خط بهذه الطريقه
ع الجفن الثابت

سابعا>>>>>أنموه اللون الاسود ع فوق وندمجه مع اللون الأحمر الغامق

وأهم شغله..لما انموه اللون الأسود أنحاول ندمجه عدل وع قد مانقدر
مانخلي خط الكحل يبين (( أنخليه مدموج مع الأحمر))
مثل ماهو اموضح بالصوره

وهذه اللمسات النهائيه>>>

>>>> رسمنا الحاجب والكحل وحطينا المسكره واللمعه

أولا>>>> نحط الكونسيلر ع دار مدار العين

ثانيا>>>> نحط الأضاءه (( لونين))

أول خطوه بنحط لون >>>> الذهبي

ثاني خطوه بنحط لون>>> الفضي

اللحين صارت الأضاءه تحت الحاجب لونين ذهبي وفضي

ثالثا>>> بناخذ اللون الأزرق الفاتح وبنخط ع زاوية الجفن الثابت
نصف المنطقه

رابعا>>> أنموه اللون الأزرق ع فوق

خامسا>>> انقسم منطقة الجفن المتحرك لقسمين

وهذه الألوان اللي استخدمتها..

أول خطوه أول قسم بنحط اللون ((البرتقالي))

ثاني خطوه بنحط اللون ((الأصفر)) عند اللون البرتقالي

سادسا>>> بناخذ بالفرشاه طبقه من اللون الأزرق الغامق ونحطه
ع منطقة الجفن الثابت

سابعا>>> أنموه لون ألازرق الغامق ع فوق

ثامنا>>> بناخذ قلم الكحل او كحل السائل ونرسم نص خط
ع الجفن الثابت

تاسعا>>>> أنموه الكحل ع فوق

وهذا الشكل النهائي

رسمنا الكحل والحواجب والمسكره

وأذا حبيتي اتثقلين ع الألوان..حطي ألوان أغمق بدرجه وحده
وراح يطلع لج الشكل..أكثر من روعه...

هذا مثال للظل اللبناني الثقيل

ملاحظه>>>> الظل اللبناني الثقيل دائما يكون طريقته قلم الكحل ع الجفن المتحرك
يعني اللون الأسود ضمن هالطريقه

أولا>>>> نحط الكونسيلر دار مدار العين

ثانيا>>>> بنحط الأضاءه تحت الحاجب (( لونين))

الذهبي + الفضي

ثالثا>>> بنجيب قلم الكحل الأسود..وبنرسم ع الجفن المتحرك(( كامل الجفن المتحرك))

رابعا>>> بناخذ الشدو الأسود وبالفرشاه بنحط فوق اللي رسمناه قبل بقلم الكحل انحط فوقه

خامسا>>>> بنجيب الفرشاه وبنرسم نص خط عريض ع الجفن الثابت وانا أخترت اللون
(( الوردي))

سادسا>>>>> بنجيب لون أفتح (( بختار الأزرق الفاتح)) بحطه بهذه الطريقه

ملاحظه>>> لازم يكون اللون اللي في الخلف أغمق واللي قدامه أفتح

سابعا>>>أنموه الشدو ع فوق مع دمج الألوان الاسود والوردي والازرق

وهذا الشكل النهائي

حطينا المسكره والكحل ورسمنا الحواجب

[

اولا>>> نحط الكونسيلر دار مدار العين

ثانيا..>>> نحط الأضاءه تحت الحاجب وانا أخترت اللون ((الذهبي))

ثالثا>>>> نجيب قلم لون بني ونرسم ع الجفن كامل الجفن المتحرك

رابعا>>> انجيب شدو لون بني غامق ونحطه فوق القلم البني اللي رسمناه قبل
ع كامل الجفن المتحرك

خامسا بنجيب لون شدو بني فاتح..ونرسم خط صغير وعريض بين الجفن متحرك والثابت

سادسا >>>>أنموه وندمج اللون البني الفاتح ع فوق

سابعا>>>> بنجيب بالفرشاه شوي من شدو الأسود ونرسم خط صغير وعريض بهذا الشكل
بين الجفن متحرك والثابت

ثامنا>>> أنموه وندمج الشدو الأسود ع فوق

تاسعا>>> نرسم الكحل والحواجب والمسكره
هذا الشكل النهائي

**************

أولا>>>> اتجيبين شدو الخاص لرسم الأنف..بس أنا اخترت الشدو العادي ظل العين
وأخترت هاللون ..

ثانيا>>>اجيب صبعي الوسطي باليد اليمنى واحط بطبطبه خفيفه ع صبعي بهذا الشكل

وتقدرين تستخدمين الفرشاه..بس أنا أحب طريقة الأصبع

ثالثا>>> اتجيبين صبعج الوسطي باليد اليسرى واتحطين من الصبع اليد اليمنى شدو
ع صبعج باليد اليسرى(( تلزقين اللون اللي خذتيه قبل وضيفيه ع صبعج الثاني))

يعني اقصد اتلزقين الصبعين الوسطيين ع بعض حتى ياخذ الصبع الثاني اللون!!!

رابعا>>>> اجيب الصبيعين الوسطيين وارسم ع الخشم بهذه الطريقه

والرسم مهب ع مقدمه الأنف>>> يكون ع طرف الجانبي للأنف

خامسا>>>> اتحاولين بصابعج اللي فيها اللون اتخففين اللون نزولا ع تحت بالجوانب

سادسا>>>> نختار لون فاتح الابيض او الفضي ونحطه ع الأنف من قدام

وهذه الشكل النهائي..ع فكره هالطريقه هي نفس حركة الأعلاميه حليمه بولند

وتقدرين تستخدمين ألوان ثانيه..مثلا الألوان الغامقه..درجات البني الغامق
وفي ألوان شدوهات مخصصه لرسم الأسم..وتقدرين رسم الأنف بشدوهات البلاشر..!!!

أولا>>>> لازم يكون ع شفايفج اساس حتى لما اتحطين التحديد والروج تقدرين
ترسمين شفايفج ع راحتج..

حطي ثلاث نقاط بهذه الطريقه..

بثانيا>>>> جيبي قلم التحديد..ووصلي بين النقاط...

**********

هذه طريقه ثانيه..منقوله للأخت جنان..طريقتها حلوه في رسم الروج..
وانا أقلد نفس طريقتها..نقلتها لكم حتى تستفيدون أكثر..

لأني حاولت ارسم لكم الشفايف..ماضبطت معاي..!!!

راح نحتاج لهذه الأدوات

أولا>>>> طبعا بيكون الاساس شامل الوجه مع البودره..ولازم انغطي الشفايف

ثانيا>>>> راح ناخذ الكونسيلر وبنحطه ع دار مدار زوايا الشفايف...

ثالثا>>>> بناخذ قلم التحديد لون ( وردي الفاتح ) ونحدد به الشفايف

رابعا>>>> بنحط الروج الوردي ع الشفايف

خامسا>>> بنحط القلوس واللمعه..وهذا الشكل النهائي

*******

أعاده للدرس

أولا>>>>نرسم ثلاث نقاط ع الشفايف

ثانيا>>> بنجيب قلم التحديد وبنحدد الشفايف

ثالثا>>> روج الوردي..ع الشفايف

رابعا>> نجيب اللمعه ونحطها بطرف الاصبع وع الشفايف

خامسا>>>>نحط القلوس ..ع الشفايف..وهذا الشكل النهائي..

********

معناه ألوان الفلامنجو

هذه الدرس تعلمته من دروس أختي جنان الله يوفقها يارب..

أولا>>>> نحط الكونسيلر دار مدار العين

ثانيا>>> بنحط اللون الفوشي الفاتح ع الجفن المتحرك

ثالثا>>> بنحط ع الجفن الثابت لون فوشي اغمق

رابعا>>>>> بنحط اللون الفضي تحت الحاجب

خامسا>>> انموه اللون الوردي وندمجه مع الفضي ع فوق

سادسا>>>>
وهذا الشكل النهائي

بالنسبه لرسم انواع الكحل..

عندنا ثلاثة أنواع معروفه..

اولا>>> طريقة الكحل المسكر

ثانيا>>> طريقة الكحل المفتوح

ثالثا >>> طريقة الكحل اللبناني

=====

للمبتدئات...

أنصحهم أستخدام الآي لاينر كيك..بدال الكحل السائل..
انا صورت لكم اللي عندي..يستخدم بالماء.. وعندج ماركة فور ايفر..نوعه كريمي
وعندج ماركة مكياجي وماك..اللي اتجيج العلبه مع الريشه..هم حلوه في الاستخدام!!
أنا أحب استخدام اللي يجيج مع الماي..وأنتي شوفي اللي يدج ترتاح عليه!!!

وبالنسبه للكحل السائل..أذا تبين كحل لونه اسود..واتحسين نوعه ممتاز
عليج بكحل محمود سعيد..تلقينه في محل حميد تريم..بسوق العسيري
لكن بما انج مبتدئه انصحج بنفس طريقة نوع هالكحل..
لأنه سهل الأستخدام..اتحسينه مثل القلم...

وأفضل أنواع قلم الكحل..ماركة سمايلنج..بعد راح تلقينه عند متجر حميد في منه الكبير والصغير
وهذا اللي عندي الكبير!!

وهذا لونه ع يدي

=========

((( الدرس ))

وأنتي ترسمين الكحل..حاولي ماتنزلين فرشاة الكحل ع تحت..خليه ع حركه مستقيمه..حتى مايعرض لج الكحل..ويخرب شغلج...

وتحت لما ترسمين خط الكحل..حاولي ترسمينه ع خط مستقيم..
حتى تقدرين بعدها ترسمين خط الشدو ع فوق!!!

الكحل المسكر طريقته>>>> من قدام ضعيف وفي الأخير عريض

=====

المفتوح يكون مفتوح من قدام... ومن اخر شي مفتوح...

=====

يكون من قدام مصكر...وفي الأخير مفتوح

وبعدين اتجيبين فرشاه اتحطين فيها شوي شدو اسود واتمدينه في القسم الاخير مفتوح

ملاحظه / طريقة رسم الكحل اللبناني
((دائما تكون بستخدام قلم الكحل الأسود))
====

طبقت لج طريقه سهله اتساعدج تتمرسين في وضع الكحل..!!!

اولااتحطين صبعج في هذه المنطقه..وانا افضل الاصبغ الصغير..اتمدينها ع حركة السهم اللي انا رسمته

وبعدها ترسمين الكحل من بداية مدمع العين الى اخر منطقة الجفن
متحرك

هذه صوره ثانيه اترويج كيف الطريقه..!!

نوع الفرشاة اللي تستخدمينه في توزعين الشدو على جفن العين و شدو الاضاءه تحت الحاجب

اولا للأضاءة..علشان تبين الظل يثبت بطريقة حلوه..عليج بفرشاة
الأسفنجه..وايد حلوه لتثبيت الأضاءه..

وعشان تتوضح الفكره اكثر..!!!

.. هذه كذا طريقه لتوزيع الكونسيلر..

تقدرين بكذا طريقه اتحطين الكونسيلر..

=======

فرشاة الأضاءه..خبيرة التجميل.ايمان السيد تستخدم للأضاءه الفرشاه
الاسفنجيه لأنها مريحه جدا في الاستخدام.. ومن النوع اللي يثبت المكياج
وانا بعد افضل استخدامها..شوفي هالأنواع..
هذه الفرش تستخدمينها للأضاءه..وللجفن المتحرك

وهذه فرشاه توزيع الأساس ( الفونديشن)

وهذه بعض الأضاءات

وانا اخترت هالأضاءه للتجربه..!!

وهذه لونه ع يدي..عن طريق فرشاه الاسفنجه..
تتوزع بسهوله وتثبت..

وهذه الفرشاه لتوزيع الشدو اللي بالوسط بين الجفن متحرك
والثابت..اللي يجيج شكلها من فوق نص مثلث

وهذه فرشاه الدمج الصغيره..
ترى فرشاة الدمج نوعين كبيره وصغيره..

وتقدرين بعد بستخدامها اتثبتين الشدو ع الجفن متحرك..

واهني شوفي للتجربه كيف اتوزعين اللون

واهني جربت لج طريقة الدمج بالفرشاه الصغيره

وتقدرين بعد تدمجين اللون بالفرشاه الاسفنجيه..

سبحان الله..كل عين لها نوع وأختلاف بالحجم والشكل!!!
فيه العيون الكبيره..والعيون الصغيره..والعيون الجاحظه والدائريه
والمبطنه..ولكل نوع من هالعيون يركب عليها نوع معين من الكحل والشدو..
وانا بركز ع العين من ناحية ((الحجم...))

مآشاءالله..اذا كانت عيونكم واسعه وكبيره..شي أكيد و100% يصلح لها كل نوع
ورسمه للكحل..سواء رسم الشدو..او رسم قلم الكحل داخل العين!!!
ومعروف أحلا الرسمات اتجيج ع العين الوسيعه..!!
وأختي وسع صدرك وشموخ عزي..ايوه حبيبتي تقدرين اتحطين قلم الكحل داخل
العين..وحاولي تبتعدين عن القلم الابيض لانه راح يكبرها بزياده..بس اللون
الأسود راح يبرز جمالها أكثر..!!

وعادي تقدرين تحطين القلم الابيض بس يكون بطريقه خفيفه

ولاحظي هالعيون الكبيره..ورسمة الكحل كيف!!

دايما وحطي في بالج..اذا كانت عيونج صغيره..تحتاجين لشي يخليها بحجم كبير!!
ومعروف اذا حطيتي قلم الكحل داخل العين..راح يعطيها شكل مصغر
أما أذا حطينا لون أفتح..مثل الابيض والسماوي راح يكبرها ويبرز شكلها
بحجم أكبر.. مثل الشدو..!!
ماتلاحظن لما انحط الوان غامقه وداخل العين لون غامق..اتبين العين
وايد صغيره..ولما نبدل اللون ونحط افتح..وانحط داخل العين قلم ابيض..
بتحسين العين اتسعت..

العيون الصغيره>>> القلم الاسود داخل العين يصغرها..
ويصير تستخدمين كل هالأنواع وكل طريقه من طرق رسمة الكحل..
لكن أنا أفضل أحسن طريقه رسمة الكحل اللبناني!!!!

ليش لأنج تقدرين ترسمين الكحل تحت الرمش السفلي..واتحطين قلم ابيض وأضاءه اتوسع العين!!!
واذا تبين تستخدمين قلم الكحل الأسود..تقدرين بطرق حلوه مع الشدو!! أخذي
فرشاه وحطي فيها لون الاسود..ومديه ع برع..مثل هالصوره اللي ضفتها لج!!!

شوفي لاحظي انه عيونها صغار..بس وسعتها بطريقه مد الشدو ع زاوية العين الخارجيه!!