كلـــــــــــــــــــــــــــمــــــــــــــــــــــــــات

منتدى يهتم بالشباب العربى وبشتى ألوان المعرفة
 
البوابةالرئيسيةاليوميةمكتبة الصورس .و .جبحـثالأعضاءالمجموعاتدخولالتسجيل

شاطر | 
 

 اعرفي عريسك بدري بدري.. من طريقة أكله ....؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ايذادورا
عضو مميز
عضو مميز
avatar

عدد الرسائل : 107
sms : My SMS ارق امنياتي لكم كلمات
نقاط : 79
السٌّمعَة : 0
تاريخ التسجيل : 25/08/2008

مُساهمةموضوع: اعرفي عريسك بدري بدري.. من طريقة أكله ....؟؟   الأربعاء نوفمبر 05, 2008 11:32 pm

اعرفي عريسك بدري بدري.. من طريقة أكله ....؟؟?

1- إذا كان عادي يعني لا بياكل بسرعة ولاببطء
ولا دايمًا شبعان ولامفجوع على طول..
يبقى شخص معتدل في عواطفه وقراراته
ويبقى ده آخرالرجال المحترمين..
كلبشي.. واستعجلي الزفاف والحياة هتبقى بمبي


2- إذا كان بيحب الأكل زي عينيه..
وأول ما يدخل من الباب وقبل مايقول لك ازيك
يقول لك ريحة التقلية تجنن ياروحي
إنتوا عاملين ملوخيةعلى أرانب؟؟.. أموت أنا..
ويقعدياكل ويحشر لحد مايغمى عليه..
يبقى إنسان طفس.. وهوائي..وطايش..
وأوعي تتجوزيه أحسن ياكلك وانتي نايمة....؟؟


3- أماإذا كان مش مهتم بالمرة..
لايقولك ده حلو ولامالح ولا مستوي ولا لسه ني
ولا بيعلق أي تعليق..
وعمره مايقولك جعان أو شبعان..
يبقى إنسان مالوش لزمه.. وزي قلته..
وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد


4- أما إذا كان بياكل زى مايكون حد بيجري ورااااه
وساعة الأكل بيجيله حالةصرع معوي..
ويقوم من ع الأكل قبل أي حد تاني..
يبقى متسرع.. ومتهور في اتخاذ قراراته
وممكن بعد الجواااز يكتشف إنك لست ملهمته..
ولست فتاة أحلامه ولستِ حلمه..
ويروح مطلقك بالتلاتة..
إخلعي إنتي بدري أحسن لكرامتك.


5- أماإذا كان بياكل على مهله.. ويمزمز..
ف كل صنف لوحده.. ويسأل عن كل صنف
إيه مقاديره ومعمول إزاااي..
ويقعد يستطعم ف الأكل من العصرللمغرب..
حاسبي منه يا اختي ده النوع اللي له مخ..
وبيوزن الأمور بطريقه تفقع المرارة..
ولو في يوم طلبتي منه يقولك كلمة حلوة
هايقولك مش عامل حسابي
ويقعد يفكر 3 سنين وبعدين يقول لك بحبك
ويقعد يشوف وقعهاعليكي إيه؟؟
نظااااام شلل رعاش بدري.... بدري....
إخلعي يا أمي...


6- أما إذا كان بيقعد يقطع ف الأكل زي مايكون ف خناقةويخبط ف الطبق من الغل..
ويقطع حتة اللحمة زي ما يكون بيدبحها..
ويتفتف.. ويتكلم..طول ماهو بياكل
لما يغرق وشك أكل..
ده شخص عصبي جدًاااا..
ومع أول خناقة هايروح مناولك بالكرسي ف راسك
أوبالسكينة ف عينك يعمل لك عاهةمستديمة
وبعدين.. يهدى.. ويقوللك:
"سوووري يا روحي هي جت فيكي.. ماعاليش"
""ماعاليش برَّه يا حبيبي وخد الباب فأيدك""


7- أماإذا كان دايمًا قرفاااان دايمًا مش عاجبه العجب
ولا الصيام ف رجب.. يع..الملوخية تقيلة..
ياي.. السمنة كتيرة علىوش الشوربة..
ياساتر.. دامحشي ولاصوابع مووووز..
أووووف.. الرز محصويل.. يامَّه المكرونةمعجنة..
إذا كان كده توكلي على الله
وهاتي أحمى ساطووووور عندك
وأناأعرف لك واحد محاميهايطلعك منها
زي الشعرة م العجيييين


والأحسن من ده كله.....
مالها القعدة ف بيت أبووووووووكي؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كلمات
نائب المدير العام
مشرف منتدي المراة والطفل
avatar

عدد الرسائل : 411
sms : My SMS ارق امنياتي لكم كلمات
نقاط : 329
السٌّمعَة : 0
تاريخ التسجيل : 28/08/2008

مُساهمةموضوع: رد: اعرفي عريسك بدري بدري.. من طريقة أكله ....؟؟   الثلاثاء يونيو 02, 2009 7:53 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اعرفي عريسك بدري بدري.. من طريقة أكله ....؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كلـــــــــــــــــــــــــــمــــــــــــــــــــــــــات :: عالم حواء :: منتدي العروس-
انتقل الى: