كلـــــــــــــــــــــــــــمــــــــــــــــــــــــــات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
كلـــــــــــــــــــــــــــمــــــــــــــــــــــــــات

منتدى يهتم بالشباب العربى وبشتى ألوان المعرفة
 
البوابةالرئيسيةأحدث الصوردخولالتسجيل

 

 نصايح للي ربنا فك عقدتها واتخطبت

اذهب الى الأسفل 
كاتب الموضوعرسالة
ايذادورا
عضو مميز
عضو مميز
ايذادورا


عدد الرسائل : 107
sms : My SMS ارق امنياتي لكم كلمات
نقاط : 79
السٌّمعَة : 0
تاريخ التسجيل : 25/08/2008

نصايح للي ربنا فك عقدتها واتخطبت Empty
مُساهمةموضوع: نصايح للي ربنا فك عقدتها واتخطبت   نصايح للي ربنا فك عقدتها واتخطبت Icon_minitimeالأربعاء نوفمبر 05, 2008 11:23 pm

صايح للي ربنا فك عقدتها واتخطبت

أجمل مافي الخطوبة العزومات والخروج والفسح وخاصة لو كانت غداً علي مطعم ع النيل عشان كده لازم كل آنسة لو ربنا يعني فك عقدتها واتخطبت تركز شوية في طريقة الأكل قبل الزواج وخاصة في عزومة خطيبها لو كانت عايزة تشوف مطاعم تاني بعد الزواج.. خدي بالك كويس من النصايح دي وابقي ادعي لنا:-
"1" الشوكة والسكينة:- لازم تعرفي كويس ربنا يهديك أن الشوكة لازم تتمسك من ايدها من الطرف يعني مش من الوسط ولا من البوز وبطلي أفلام الرعب اللي بتتفرجي عليها.. مش خنجر هو!
"2" العيش:- أوعي تفضحينا وتقطعي العيش بسنانك أو تقطعيه نصين بايدك وكل نص وابلع!! العيش ياماما يتقطع بالسكينة في الطبق وبعدين تاخدي لقمة وتأكليها بالعافية.. قال يعني نفسك مسدودة!


"3" الشوربة:- ابوس كعب رجلك.. البند ده مهم جداً.. الشوربة تتشرب من غير صوت خالص ومن غير ماتقعدي تنفخي فيها زي القهوجي اللي بينفخ حجر الشيشة للزبون! أهم شيء بالملعقة وبدون صوت حتي لو كانت مولعة برضه من غير صوت! وماتنسيش تسيبي تلت الطبق مليان!
"4" الأرز:- الرز طبعاً بيتاكل بالشوكة.. هي دي المفاجأة.. أوعي تمدي ايدك ع المعلقة وتغرفي من الطبق وتعبي.. الرز بالشوكة كأنك بالظبط بتبوسيه مش بتاكليه!
"5" السمك:- مشكلة كبيرة شوية.. بس ركزي معانا عشان تعرفي ازاي تفصلي اللحم عن الشوك.. تقطعي اللحمة من النص بالطول.. بعدين إفردي اللحم علي الناحيتين ولا تقلبي السمكة.. من غير فضايح شيلي السلسلة بالشوكة والسكينة وحطيها في جنب الطبق وكلي النص التاني ولا أقولك بلاش الفيلم الهندي ده كله.. قولي ما حبش السمك واخلصي وخلصينا!!
"6" المكرونة الاسباجتي:- برضه بالشوكة.. تتلف علي طرف الشوكة لحد ماتخلص وبعدين في هدوء ومن سكات تاكيلها بلاش شفط عود عود!
"7" الجمبري.. يعني لو كنتي تعرفيه! أول ماينزل الطبق اللي فيه الجمبري بصي له كده من تحت لتحت قال يعني زهقانة من كتر أكل الجمبري الجامبو في اليخت بتاع الحاج ربنا يخليه.. اتنهدي بالراحة وقـ ولي ايه ده هو الجمبري ورايا ورايا.. المهم تروحي قاطعة راس الجمبري بالشوكة وارجوك انسي خالص انك تمصمصي الجمبري قدام عريسك!
"8" الفاكهة :- لو فيها بزر اتاكدي انك تطليعها الأول بالشوكة برضه وتحطيها في أي طفاية موجودة..
* النهاية:- أول ماتخلصي أكل تحطي ايدك علي بطنك رغم أن كل العصافير بتزمر من الأصناف اللي شميتها وتقولي مش قادرة.. مش ممكن أول مرة اكل كده قدامي اسبوع علي ما افكر اكل تاني وبعدين تمسكي الفوطة اللي قدامك وتروحي ماسحة بيها فمك كأنك بتبوسيها وبعدين استأذني عشان تروحي تعدلي مكياجك.. أول ماتدخلي التواليت تروحي مطلعة من شنطة ايدك سندوتش الفول المتين وشوية زتون وفحل بصل وقرن فلفل.. واديها بالهنا والشفا عشان تقدري تصلبي طولك وأنت مروحة!!
الرجوع الى أعلى الصفحة اذهب الى الأسفل
 
نصايح للي ربنا فك عقدتها واتخطبت
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
كلـــــــــــــــــــــــــــمــــــــــــــــــــــــــات :: عالم حواء :: منتدي العروس-
انتقل الى: